25

وزیر اعظم کا فرشتہ کے قتل پر ایکشن

اسلام آباد(فری ہینڈنیوز)وزیر اعظم عمران خان نے بچی فرشتہ کے قتل پر ایکشن لیتے ہوئے ڈی ایس پی عابد کو معطل اور ایس پی عمر خان کو او ایس ڈی بنا دیا ۔ ذراءع کا کہنا ہے کہ وزیر اعظم نے آئی جی اسلام آباد عامر ذوالفقار اور ڈی آئی جی آپریشنز وقار الدین سید سے بھی معاملے پر وضاحت طلب کرلی ہے ۔ انہوں نے کہا کہ ایف آئی آر میں نامزدگی کے باوجود تھانا شہزاد ٹاوَن کے پولیس اہلکاروں کو بروقت گرفتار کیوں نہیں کیا گیا ۔ واضح رہے کہ 10 سالہ فرشتہ کو اسلام آباد میں اس کے گھر کے باہر سے اغوا کیا گیاتھا، جس کے دس دن بعد اس کی لاش ملی تھی ۔ بچی کی تلاش اور مقدمہ درج کرنے میں تاخیر کرنے والے ایس ایچ او شہزاد ٹاوَن اور دیگر اہلکاروں کے خلاف مقدمہ درج کیاگیا ہے ۔

اس خبر پر اپنی رائے کا اظہار کریں