41

بھارتی فوج کیخلاف جنگی جرائم کا مقدمہ چلایا جائے، گورنر پنجاب

لاہور(فری ہینڈ نیوز) گورنر پنجاب چودھری محمد سرور کا کہنا ہے کہ بھارت کو اس کی ہر حرکت کا منہ توڑ جواب ملے گا، کشمیر میں مظالم کرنیوالی بھارتی فوج کیخلاف جنگی جرائم کا مقدمہ چلا یا جائے۔ گورنر ہاؤس پنجاب میں میڈیا سے گفتگو کے دوران چودھری سرور نے کہا کہ بھارت اندر سے ٹوٹ رہا ہے، نریندر مودی اور حواری بے وقوفی کر رہے ہیں۔ گورنر پنجاب نے کہا کہ دنیا کو بھارتی مسلمانوں اور کشمیر یوں پر ہونے والے مظالم کا نوٹس لینا چاہیے۔ انہوں نے کہا کہ سختی کے بغیر پاکستان میں لوگوں کو کورونا سے بچانے کے لیے گھروں میں رکھنا ممکن نہیں ہے۔ گورنر پنجاب نے کہا کہ اپوزیشن جماعتیں ذاتی مفادات کو سامنے رکھ کر سیاست کررہی ہیں۔

اس خبر پر اپنی رائے کا اظہار کریں